Павлодарда жасөспірім мас күйде мотоцикл тізгіндеген
Павлодар облысында жасөспірім мас күйде мотоцикл тізгіндеген, деп хабарлайды El.kz ақпарат агенттігі.
Қызылжар мен Ертіс ауылдарының арасындағы жолды полицейлер патрульдеу барысында мотоциклді тоқтатты. Құжаттарды тексеру барысында жүргізушінің әлі 18 жасқа толмағандығы және жүргізуші куәлігі жоқ екені анықталды. Сонымен қатар жігіттен алкогольдің өткір иісі шыққан. Істің барлық мән-жайларын анықтау, сондай-ақ кәмелетке толмаған баланы медициналық куәландыру үшін жасөспірімнің анасы шақырылды. Медициналық куәландыру қорытындысына сәйкес, жүргізуші мас күйінде болған.
Аталған факті бойынша құқық қорғау органдарының сақшылары ҚР ӘҚБтК-нің 608-бабының 8-бөлігі бойынша әкімшілік хаттамасын толтырып, сотқа жолдады. Сот шешімімен жасалған құқық бұзушылықтар үшін ата-анасына 200 АЕК мөлшерінде әкімшілік айыппұл салынды. Көлік айыппұл тұрағына қойылды, – деді Павлодар облысы Ертіс ауданы полиция бөлімі бастығының міндетін атқарушы Серік Үсенов.
Полиция мотоциклді жүргізген кезде жүргізуші мен оның жолаушысы бекітілген мотошлемдерде болуы керек екенін еске салды.
Қысқа да нұсқа. Жазылыңыз telegram - ға