Павлодарда екі көлік соқтығысып, бір адам мерт болды
Полиция қызметкерлері сараптама тағайындалғанын және автокөліктер арнайы айыппұл тұрағына қамауға алынғанын атап өтті
Фото: 24.kz
Фото: 24.kz
31.08.2022 12:23
1403
Павлодарда екі көлік соқтығысып, бір адам көз жұмды, – деп хабарлайды El.kz порталы Polisia.kz-ке сілтеме жасап.
29 тамызда сағат 22.00-де Павлодар қаласының Торговая-Центральная көшелерінің қиылысында Volkswagen Polo автокөлігінің 24 жастағы жүргізушісі Lada автокөлігімен соқтығысты.
«Жол-көлік оқиғасы салдарынан Volkswagen Polo автокөлігінің жүргізушісі алған жарақатынан оқиға орнында көз жұмды. Lada автокөлігінің 24 жастағы жүргізушісі жарақатпен ауруханаға жеткізілді», – деді Павлодар облыстық Полиция департаменті бастығының бірінші орынбасары Жасқайрат Қайыров.
Полиция қызметкерлері сараптама тағайындалғанын және автокөліктер арнайы айыппұл тұрағына қамауға алынғанын атап өтті. Тексеру жүргізіледі.
Айта кетейік, биылғы жылы облыс аумағында 263 жол апаты болып, 44 адам қаза тапты, 403 адам жарақат алды.
Бөлісу:
Қысқа да нұсқа. Жазылыңыз telegram - ға
Келесі жаңалық
Антикор жемқорлыққа қарсы халықаралық стандарттар енгізбек