Өзбекстан атынан әлем чемпионы атанған қазақ боксшысы кәсіпқой боксқа ауысты
Өзбекстан атынан әлем чемпионы атанған этникалық қазақ Руслан Абдуллаев ресми түрде кәсіпқой боксқа ауысты, деп хабарлайды El.kz ақпарат агенттігі.
Руслан кәсіпқой шаршы алаңда атой салу үшін АҚШ-қа аттанды.
Ол мұндай шешімді Париж олимпиадасынан соң қабылдаған. Естеріңізде болса, Франция астанасындағы аламанда 63,5 келіде өнер көрсеткен Руслан ширек финалда канадалық Уайатт Сэнфордке жол берді - 1:4.
Енді ол АҚШ-қа келісімшарт жасасуға аттанды. Боксшының қолдаушылары оның абсолютті әлем чемпионы атануына тілектестік білдірген.
Еске салсақ, бұған дейін Өзбекстан құрамасының бас бапкері Толқын Киличев «Студия бокса Виктора Ялымова» Youtube-арнасына берген сұхбатында Русланның соққылары жойқын екенін айтқан.
Руслан — соққылары мығым, шойынбалға секілді боксшы! Қолдары алтын. Егер ол кәсіпқой боксқа дұрыстап дайындалса, онда барлық атақты оп-оңай алатынына күмән жоқ. Он айқастан соң-ақ ол төрт чемпиондық атаққа қол жеткізеді. Мен мұны оның бапкері, бұрыннан білетін адам ретінде айтып отырмын. Кәсіпқой бокс қолғабын кисе, бәрін тас-талқан ететіні анық, - деген болатын Киличев.
Қысқа да нұсқа. Жазылыңыз telegram - ға