Қостанайдағы өртке байланысты гуманитарлық көмек қабылдау пункттері ашылады

Қазақстан халқы АссамблеясыҚостанай облысы Әулиекөл ауданындағы орын алған табиғи өрт апатынан  зардап шеккен халыққа көмек көрсету акциясы ұйымдастыруда, деп хабарлайды El.kz.

4 қыркүйек күні Нұр-Сұлтан, Алматы, Шымкент қалаларының және барлық облыстардың Достық үйлеріндегі волонтерлік орталықтардың базасында қаражат пен қажетті заттарды жинау үшін жедел штабтар құрылды.

Келіп түскен ақпарат бойынша эвакуацияланған азаматтар азық-түлікпен, дәрі-дәрмекпен және төсек-орынмен қамтамасыз етілген.

Зардап шеккен азаматтарға үйлерін, қожалықтарын, киімдері мен тұрмысқа керек заттарын қалпына келтіру қажет.

Осыған байланысты қаражат жинау басымдылықта екенін түсініп, оны арнайы ашылған есеп айырысу шотына жіберсеңіһдер болады: 8 747 482 64 49.

Бұл жұмысты үйлестіру «Қоғамдық келісім» РММ-ға жүктелді.

Гуманитарлық көмекті жинау (киім-кешек, азық-түлік, гигиеналық құралдар, төсек-орын жабдықтары) кезінде туындаған сұрақтар бойынша мына телефондар арқылы хабарласуға болады: 8-705-558-05-08 – Рамазанова Наталья Сергеевна, Қостанай облысының әкімдігінің «Қоғамдық келісім» КММ Қоғамдық даму департаментінің басшысы.

Қысқа да нұсқа. Жазылыңыз telegram - ға