Өскеменде шағын автобустан заңсыз тасымалданған 3,5 тонна спирт тәркіленді
Фото: ШҚО ТЖД баспасөз қызметі
Фото: ШҚО ТЖД баспасөз қызметі
27.06.2023 16:55
836
Өскемен қаласында шағын автобустан заңсыз тасымалданған 3,5 тонна спирт тәркіленді, деп хабарлайды El.kz ақпарат агенттігі.
ШҚО төтенше жағдайлар департаменті баспасөз қызметінің мәліметіне сүйенсек, тәртіп сақшылары құрамында спирті бар ерітінді партиясын заңсыз тасымалдау фактісін анықтады.
Өскеменде полиция қызметкерлері 41 жастағы ер адам тізгіндеген «Hyundai» маркалы шағын автобусты тоқтатқан. Тексеру кезінде спирт құйылған 739 пластикалық бөтелкені тапқан. Тәркіленген заттар ары қарай тексеру үшін сараптамаға жолданды, - делінген ақпаратта.
Департамент қызметкерлері тұрғындарға құрамында сапасына ешкім кепілдік бермейтін спирті бар өнімдерді тұтыну денсаулыққа үлкен қауіп төндіруі мүмкін екендігін еске салады.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Шығыс Қазақстанда қатты желден дала өртінің беті қайтпай жатыр
Келесі жаңалық
Азия чемпионатына қатысатын қазақстандық боксшылар анықталды