Өскеменде көп қабатты үйде пәтер өртенді
Фото: ТЖМ баспасөз қызметі
Фото: ТЖМ баспасөз қызметі
01.08.2024 04:32
492
Шығыс Қазақстан облысында пәтердегі өрт кезінде 10 тұрғын қауіпсіз жерге шығарылды, деп хабарлайды El.kz ақпарат агенттігі.
Өскемен қаласында пәтерден өрт шығып, тілсіз жау 2 шаршы метр аумақты шарпыды. Оқиға орнына келген өрт сөндірушілер 10 тұрғынды, оның ішінде 2 баланы эвакуациялап үлгерді. Өрт сөндірушілер пәтер иесінің мысығын да түтін басқан пәтерден сыртқа алып шығарды.
Аталған оқыс жағдайдан зардап шеккендер жоқ. Қазір өрттің себебі анықталып жатыр. ТЖМ азаматтардан өрт қауіпсіздігі ережелерін сақтауды, жағдайды өртке жеткізбеуді қаперге салады.
Бөлісу:
Қысқа да нұсқа. Жазылыңыз telegram - ға
Келесі жаңалық
Қоянды ауылында су бұру каналы салынып жатыр