Орал әуежайы рейстерді қабылдауды жалғастырады
Бұл туралы «Қазақстанның авиациялық әкімшілігі» хабарлады
«Қазақстанның авиациялық әкімшілігі» АҚ Орал қаласының әуежайында әуе кемелерінің ұшуын шектемегенін мәлімдейді. Шешімді авиатасымалдаушылар өздігінен қабылдаған, деп хабарлайды El.kz
«Әкімшіліктің авиациялық инспекторлары жүргізген тексеру барысында әуеайлақты пайдаланушы барлық авиатасымалдаушылар үшін аэронавигациялық ақпарат жинағында тұрақты негізде жариялаған рульдеу жолағы мен перронның жасанды төсемдерінің төмен көтергіштік қабілетіне қарамастан, әуе кемелерінің кейбір үлгілерінде Орал әуеайлағына ұшу қарқындылығы мен ұшу жүктемесінің артуы анықталды. Бұл көрсеткіш рұқсат етілгеннен едәуір артық. Авиациялық әкімшілік тарапынан әуеайлақты пайдаланушыға әуе жолағының бұзылуын және әуе кемелерінің бүлінуін болдырмау үшін жасанды төсемдерге рұқсат етілген жүктемелердің сақталуын бақылауды қамтамасыз етуге инспекторлық нұсқама жіберілді. Бұдан басқа, авиакомпаниялар өкілдерімен және әуеайлақты пайдаланушымен өткізілген кездесулер мен талқылаулардан кейін Орал әуежайына ұшуды орындауды жалғастыруға, жасанды төсемге жүктемені азайтуға және әуеайлақта әуе кемелерін пайдалану кезінде ұшу қауіпсіздігінің тиісті деңгейін сақтауға мүмкіндік беретін шараларды әзірлеу туралы шешімдер қабылданды», - делінген хабарламада.
Қысқа да нұсқа. Жазылыңыз telegram - ға