Өңірлерде журналистер мен блогерлерді оқытуға гранттар бөлінеді
![Өңірлерде журналистер мен блогерлерді оқытуға гранттар бөлінеді Өңірлерде журналистер мен блогерлерді оқытуға гранттар бөлінеді](/storage/storage/element/2024/05/16/mainphoto/103995/1200xauto_Og28n94AcuM6Yh99xhLfqKL84vEXoCj10cY8yN3y.png)
«Медиа дамыту коры» корпоративтік қоры ҚР Мәдениет және ақпарат министрлігінің қолдауымен 2024 жылдың 16 мамырынан бастап медиа тренерлерге арналған гранттарға өтінім қабылдауды бастады, деп хабарлайды El.kz ақпарат агенттігі.
Конкурсқа үкіметтік емес ұйымдар, жеке және заңды тұлғалар қатыса алады.
Грантқа қатысушының өтінім бюджеті 5 000 000 теңгеден аспауы тиіс. Конкурсқа оқыту курстары мен тренингтер өткізуде тәжірибесі бар медиа саланың мамандары қатыса алады. Медиа тренерлерге арналған гранттар келесі тақырыптар бойынша беріледі:
1) аналитикалық журналистика;
2) медиаэтика;
3) ақпаратты толық зерттеу және сыни көзқараспен ұсыну.
Өтінім толтыру барысында әр қатысушы Қазақстанның бірнеше облысын таңдай алады, алайда грант алған жағдайда медиа маман курсты тек бір өңірде өткізеді және грант алушы тыңдаушылар тобының тізімін қордың келісімімен құрады. Оқыту практикалық сабақтарға бағытталып, офлайн форматта өткізілуі тиіс және қатысушылыр курс аяқталған кезде өздері жасаған медиа өнімдерді ұсынады. Медиа өнім дегеніміз - кезкелген форматтағы және жанрдағы журналистің жеке немесе бір шығармашылық топ болып құрылған медиа мамандардың материалы.
Гранттық бағдарламаға қатысу 2024 жылғы 16 мамырдан 30 маусымға дейін https://mdq.kz сайтында өтінім толтыру арқылы жүзеге асырылады.
Конкурс шарттары:
- Үміткер Қазақстан Республикасының азаматы болу;
- БАҚ саласында кемінде 5 жыл жұмыс тәжірибесі болу;
- Тиісті жоғары білімі болу;
- Сайттағы хабарландырумен танысу;
- Өтінім беру және сауалнаманы толтыру;
- Әрбір қатысушы бір ғана өтінім бере алады.
![Telegram](https://el.kz/static/site/images/tel26.png)