Нутрициолог таңғы асқа ет жеудің ағзаға әсері туралы айтты
Таңғы асқа ет жеу - физиологиялық тұрғыдан рұқсат етілген амал және денсаулығында айтарлықтай проблемасы жоқ адамдарға зиян келтірмейді. Бұл туралы нутрициолог Жанна Антонюк айтты, деп хабарлайды El.kz интернет порталы.
Маманның айтуынша, таңертең ас қорыту жүйесі белсенді жұмысқа толық дайын тұрады: ағза ақуыз бен майды ыдыратуға қажетті ферменттерді жеткілікті мөлшерде бөледі.
Физиология тұрғысынан алғанда, еттен жасалған таңғы ас сау адамға зиян емес. Таңертең асқазан-ішек жолы белсенді жұмыс істеп, ақуыз бен майды қорытуға арналған ферменттерді бөліп тұрады. Алайда назар аударатын бірқатар жайттар бар, - деді маман.
Антонюк үш маңызды факторды атап өтті:
-
Жеке ерекшеліктер. Егер асқазан-ішек жолының созылмалы аурулары болса, ашқарынға ауыр тағам қабылдау жайсыздық туғызуы мүмкін.
-
Мөлшері мен сапасы. Таңертең 150 грамнан аспайтын, майы аз, буға пісірілген немесе қайнатылған етті таңдаған жөн.
-
Теңгерімділік. Етті талшыққа бай тағамдармен - көкөністер, жасыл шөптер немесе тұтас дәнді нанмен үйлестіру ас қорыту процесін жеңілдетіп, ағзаға ұзаққа жететін энергия береді.
Нутрициолог ең маңыздысы - өз ағзаңның реакциясын тыңдау екенін атап өтті.
Егер ет жегеннен кейін ауырлық, әлсіздік не жайсыздық сезілсе, демек сіздің ас қорыту жүйеңіз жеңіл ақуыздарды немесе күрделі көмірсуларды тиімдірек қабылдайды деген сөз, - деп түсіндірді Антонюк.
Қысқа да нұсқа. Жазылыңыз telegram - ға
Оқи отырыңыз 
