Нұрбек Оралбай Париж Олимпиадасының ширек финалына шықты

Бокстан Париж Олимпиадасында Нұрбек Оралбай ширек финалға жолдама алды, деп хабарлайды El.kz ақпарат агенттігі.

Жекпе-жектің алғашқы раунды қазақ боксшысының басымдығымен өтті. Соған байланысты төрешілер де 5:0 есебімен жеңісті Нұрбектің пайдасына берді.Бірақ екінші раундта Питерс ашық айқасқа көшіп, оның оң қолымен соққан ауыр соққысы қазақ боксшысының бетіне тиген соң төреші нокдаун ашқан болаты.

Осыдан кейін қарсыласы Каллум тоқтаған жоқ. Оның соққыларының көбі дәлдеген жеріне жетіп, ұпай саны жағынан Нұрбекті қуып жетті деуге болады. Төрешілер де бұл раундта Питерс 5:0 есебімен жеңді деп шешті.

Шешуші үшінші раундта қос боксшы да ашық шабуылға көшті. Десе де, Нұрбек шабуылда да, қорғаныста да сауатты жұдырықтасып, жеңіске лайық екенін дәлелдей алды. Қорытынды есеп – 3:2, Нұрбек Оралбайдың пайдасына бұйырды. 

Қысқа да нұсқа. Жазылыңыз telegram - ға