Қандастар Ассамблея

Қазақстандық теннисшілер Еуропадағы турнирді сәтті бастады

08.06.2022 168
Фото: olympic.kz

Еліміздің бірінші ракеткалары Елена Рыбакина мен Александр Бублик сәтті ойын бастады, деп хабарлайды El.kz Ұлттық олимпиада комитетіне сілтеме жасап.

Әлемнің 21-ракеткасы Е.Рыбакина Хертогенбос (Нидерланды) WTA 250 жарысының алғашқы айналымында америкалық Джейми Лобпен кездесті. Қазақстандық теннисші қарсыласын 6:4, 7:5 есебімен тізе бүктірді.

Е.Рыбакина 10 эйс жасап, 10 брейк-пойнттың екеуін пайдалана білді. Еленаның екінші айналымдағы қарсыласы кейін анықталады.

А.Бублик жекелей сында Штутгарт (Германия) ATP 250 додасында бастапқы кездесуін америкалық Денис Кудламен өткізді. Қазақстандық спортшы 7:6 (7:3), 7:5 есебімен ұтты. Ол 12 эйспен бірге 7 брейк-пойнттың екеуін мүлт жіберген жоқ. Александр екінші айналымда «Үлкен дулыға» турнирінің үш дүркін чемпионы, ұлыбританиялық Энди Марреймен күш сынасады. Биыл өзара екі рет кездесіп, бір-бірден жеңіске жеткен еді.

Ұқсас материалдар