Жаңалықтар

Шеңбер құрып, қол ұстасып әндету – Чхусок мерекесінің ажырамас бөлігі

Шеңбер құрып, қол ұстасып әндету – Чхусок мерекесінің ажырамас бөлігі
09.10.2019 10:29 2818

Қостанай облыстық корей этномәдени бірлестігі Чхусок - күзгі жиын-терін мерекесін атап өтті.

Шеңбер құрып, қол ұстасып әндету – Чхусок мерекесінің ажырамас бөлігі

Қарттар күні қарсаңында өткен мерекелік іс-шараға аға буын өкілдері де қатысты. Іс-шара қонақтарын ханбок (корей халқының ұлттық киімі) киген арулар қарсы алды. Жиналған қауым фотоаймаққа жақындап, суретке түсті.

Шеңбер құрып, қол ұстасып әндету – Чхусок мерекесінің ажырамас бөлігі

«Біз қос мерекені қатар атап өтуді жөн көрдік. Корей халқы қазақ халқы сынды үлкенге құрмет танытады, бұл – мәдениеттілігіміздің көрсеткіші. Ал Чхусок мерекесі отбасылық мереке болып саналады. Бірлестік – үлкен отбасы. Сондықтан, бұл мереке барлығымыз үшін маңызды», - дейді бірлестік төрағасының орынбасары Ульяна Ким.

Шеңбер құрып, қол ұстасып әндету – Чхусок мерекесінің ажырамас бөлігі

Юрий Ли мырзаның басшылығымен корей бірлестігінің «Енори» би ұжымы «Кангам сулле» биін орындап шықты.

Шеңбер құрып, қол ұстасып әндету – Чхусок мерекесінің ажырамас бөлігі

Бұл бидің өзіндік шығу тарихы бар. Ли әулеті билік құрған кезеңде Корея еліне жау шаппақ болады. Барлық әйелдер әскери киім киіп, тауға шығып, қол ұстасып, шеңбер құрып жүреді. Осының арқасында дұшпандар корей халқының мықтылығын көріп, кері шегінеді. Ал «кангам сулле» Чхусок мерекесінде орындалатын биге айналады.

Шеңбер құрып, қол ұстасып әндету – Чхусок мерекесінің ажырамас бөлігі

Корей халық әндерінің «Ен-коди» хоры әннен шашу шашып, тыңдармандардың көңілдерін бір марқайтып тастады. Жастар барабанда ойнаса, София Ким есімді жас өнерпаз әуезді әнін паш етті. «Эстель» шоу-балетінің және «Динамика» би мектебінің бишілері көрермендердің қошеметіне бөленді. 

Шеңбер құрып, қол ұстасып әндету – Чхусок мерекесінің ажырамас бөлігі

Бөлісу:
Telegram Қысқа да нұсқа. Жазылыңыз telegram - ға