СӘТПАЕВ ҚАЛАСЫНДАҒЫ БӘКЕБАЕВТАР ОТБАСЫ МЕЦЕНАТТАРДЫҢ АРҚАСЫНДА ЕКІ БӨЛМЕЛІ ПӘТЕРДІҢ ИЕСІ АТАНДЫ

23.01.2019 1115

Қазақстан халқы Ассамблеясы «Қайырымдылық керуені» аясында «Мейірімділікпен бірге» акциясын бастаған болатын. Қаңтар айында  ауқымды шара арнайы бекітілген күнтізбеге сәйкес «Сарқыт» атауымен өтуде. Жақсы іске Қарағанды өңірінің аймағындағы Аналар кеңестері, меценаттар, жастар қанатының мүшелері, жомарттықты жанына серік еткен жандар  белсене  қатысуда. Әлеуметтік жағдайы төмен, көмекке мұқтаж жандарға тұрмысқа қажетті заттар, киім кешектер үлестіріп, балаларды қуанышқа бөлеуде.

Атап айтсақ, Сәтбаев қаласының Ш. Ділдебаев атындағы кеншілер сарайында «Харекет» қайырымдылық қорының және қалалық қайырымгерлер мен меценаттар клубының ұйымдастыруымен көпбалалы Бәкебаевтар отбасына салтанатты түрде екі бөлмелі пәтер кілтін  табыстау рәсімі өтті.  Мүмкіндіктері шектеулі, туа бітті тіл мен құлақ мүкісі бар Азамат пен Айгерімнің отбасы пәтерге өте мұқтаж еді. Өмірге құштар, қиындыққа мойымайтын ата-ананың қуанышында шек жоқ, іштегі толқынысын, алғысын  ишаратапен білдіріп, көз жастарына ерік берді. 

 

Игі шарада Сәтбаев қаласы қайырымгерлер мен меценаттар клубының төрайымы Меруерт Бақбергенова  «Жағдайларының  қиындығына қарамастан, өмір сүруге талпынып жүрген бұл отбасы иелері - нағыз батырлар. Бүгін ерекше күн. Бір отбасының болса да, жабырқаған жүзіндегі мұң сейілді. Жақсылық жасауды тоқтаптайық», - деп атап өтті.

Өз атынан Меруерт ханым отбасына микротолқынды пеш, ал, осы клубтың   мүшесі Берік Ергенбаев жатын бөлме жиһазын сыйға тартты.

Ізгі шараны жалғастырған қарқаралылықтар аудандық Қоғамдық келісім кеңесінің мүшелерімен, «Нұр Отан» филиалымен және «Балауса» қайырымдылық қорымен бірлесіп Қоянды елді мекеніндегі балалар үйіне 12 адамға арналған үлкен үстел мен балаларға базарлық сыйлады.

Ұқсас материалдар