Жаңалықтар

Елордалық этномәдени бірлестіктер армян, қырғыз, татар, поляк, казак әндерін шырқады

Елордалық этномәдени бірлестіктер армян, қырғыз, татар, поляк, казак әндерін шырқады
08.10.2019 10:35 3405

Оқушылар сарайында Нұр-Сұлтан қаласы Қазақстан халқы Ассамблеясының ұйымдастыруымен елордалық этномәдени орталықтардың «Этникалық полифония» атты есеп беру концерті өтті.

Елордалық этномәдени бірлестіктер армян, қырғыз, татар, поляк, казак әндерін шырқады

Концерттің ерекшелігі оның фольклорлық бағытында. Бағдарлама бойынша орындалатын вокалдық және хорегографиялық қойылымдар ұлттық нақыш пен темпераментке толы болды.

«Этникалық полифония» шымылдығын «Ван» елордалық армян этномәдени орталығының «Наири» ансамблі «Тавих» армян биімен ашты. Көрікті армян ұлттық киімдерінің қанық түсі жұртшылықтың көңілінен шықты. Арно Бабаджанянның «Элегея» композициясын Люсинэ Макунц фортепианода асқан шеберлікпен орындады. Армян этномәдени орталығының шығармашылық ұжымы кіші топтың «Кербез қыз» биін асқан шеберлікпен орындап, көрермендердің ыстық ықыласына бөленді.

Елордалық этномәдени бірлестіктер армян, қырғыз, татар, поляк, казак әндерін шырқады

Екінші болып өз шығармашылығын көпшілікке «Лад» РСҚ астаналық филиалы қоғамдық бірлестігінің мүшелері ұсынды. Олар «Масленица» орыс дәстүрін көпшілік назарына паш етті. Ал «Радуга» орыс әндерінің ансамблі көңілді частушкаларды шырқады. Орыстың ұлттық киімдері көз жауын алып, сахнаның сәнін келтірді.

Елордалық этномәдени бірлестіктер армян, қырғыз, татар, поляк, казак әндерін шырқады

Одан әрі көрермендер поляк музыка мәдениетінің сантүрлілігіне көз жеткізді. Сахнада Нұр-Сұлтан қаласының «Polacy» қоғамдық бірлестігі әдемі вальсті көрермендерге тарту етті. Ал «Стократка» және «Краснолютки» ансамблдері ұмытылмас, көңілді әндерді нақышына келтіріп шырқады. Кеш қонақтары би билеп, шығармашылық топпен бірге ән салды.

Елордалық этномәдени бірлестіктер армян, қырғыз, татар, поляк, казак әндерін шырқады

«Таң» татар-башқұрт этномәдени орталығы көрермендерді бей-жай қалдырмады. «Ялкын» және «Дуслык» ансамблі «Уфтанма», «Қаз қанаты», «Жиләкле жәй» және «Бул-бул» атты халық әндерін тамылжыта орындады. Әсел Ерғалина және «Таң» татар-башқұрт орталығының көркем өнерпаздары «Сабантуй» вокалды-хореографиялық композициясымен өнерлерін яқтады.

Елордалық этномәдени бірлестіктер армян, қырғыз, татар, поляк, казак әндерін шырқады

«Қырғызстан-Астана» этномәдени бірлестігінің өкілдері Мадина Мұқажанова мен Замира Сагинбаева қырғыздың «Нарындан жазган Салам кат» әнін нақышына келтіріп орындап шықты.

Елордалық этномәдени бірлестіктер армян, қырғыз, татар, поляк, казак әндерін шырқады

Есептік концертті «Дала өлкесі казактары» елордалық филиалы аяқтады. «Бородино», «Қаламқас», «Ямщик, не гони лошадей!», «Казак без коня – не казак», «Дала өлкесі казактарының», «Я на печке молотила» вокалды-хореографиялық композициялары көрермендердің ерекше ықыласына ие болды.

Бөлісу:
Telegram Қысқа да нұсқа. Жазылыңыз telegram - ға