Жаңалықтар

ҚАЗАҚСТАНДА ҰЛТТЫҚ ДОМБЫРА КҮНІ АТАЛЫП ӨТУДЕ

ҚАЗАҚСТАНДА ҰЛТТЫҚ ДОМБЫРА КҮНІ АТАЛЫП ӨТУДЕ
07.07.2019 17:14 5127

Бүгін елімізде екінші рет Ұлттық домбыра күні мерекесі аталып өтуде. Осыған орай Қазақстан халқы Ассамблеясының бастамасымен былтыр ұйымдастырылған «Бабалардың көзіндей қасиетті Домбыра» акциясы бүгін де дәстүрге айналып отыр.

92d70651-1211-4f62-bbc0-538ff5519589.jpg

«Рухани жаңғыру» бағдарламасы аясында іске асырылып жатқан еліміздегі бұл акция төл мәдениет пен салт-дәстүрлерімізді одан әрі дамытуға өз септігін тигізе бермек, әрі «Қазақтану» жобасын танытуға әсері мол.

998c34de-e6ff-4675-a37a-ca296a067092.jpg

Нұр-Сұлтан қаласы Қазақстан халқы ассамблеясы мүшелері, Аналар кеңесі және этномәдени бірлестіктер қаладағы №2 және №3 перинатальды орталықта болып, дәл осы айтулы күннің алғашқы дүниеге келген нәрестелеріне ҚХА және елорданың логотипі бейнеленген қасиетті домбыраны сыйға тарту етті.

1e36de18-607e-4e6a-9cf3-bcdf733d5c8b.jpg

Іс-шара барысында ана мен баланы құттықтап, ақ тілектерін арнап, сәбилерге қазақтың атын әлемге танытатын талант иесі болсын деп тілек айтты.

Қалалық ҚХА хатшылығының меңгерушісі Ләззат Құсайынова: «Жыл сайын Қазақстан халқы Ассамблеясының бастамасымен перзентханаларға барып, бұл күні алғашқы туған перзенттерге домбыраны сыйға тарту етеміз. Болашақта осы балалар еліміздің нағыз азаматтары болып өссін», — деген тілегін білдірді.

Бүгін босанған батыр аналар Әйгерім Тілеуова және Қымбат Нұрахметова Қазақстан халқы Ассамблеясына алғыстарын білдіре отырып, сәбилері келешекте домбыраның құлағында ойнайтын талант иелері болады деген үміттерін білдірді.

b096693f-282b-43ab-bd81-a7e0c9892757.jpg

Елбасы Нұрсұлтан Назарбаевтың 2018 жылдың 12 маусымындағы Жарлығына сәйкес шілденің алғашқы жексенбісі Ұлттық домбыра күні болып бекітілді.

Бөлісу:
Telegram Қысқа да нұсқа. Жазылыңыз telegram - ға