Әйгілі «Аватар» фильмін көрермендер қазақ тілінде тамашалайды

Қазақстандық шығармашылық дубляж тобы фильм мәтінін қазақ тіліне аудару, оның локализациясы және дыбыстау бойынша сапалы жұмыс атқарды.
editor.su
Фото: editor.su 24.09.2022 19:28 300

Көпшілікке кеңнінен танымал «Аватар» фильмі қазақ тілінде көрсетіледі. Бұл туралы ҚР Мәдениет және спорт министрі Дәурен Абаев өзінің Facebook парақшасында жариялады, деп хабарлайды El.kz.

«Достар, сіздерді керемет жаңалықтан хабардар еткім келіп отыр. Осы жексенбіден бастап еліміздің кинотеатрларында кинематография тарихындағы ең жоғары кассалы және көрермендер тарапынан зор сүйіспеншілікке ие болған «Аватар» фильмі жаңартылған бейнеде, өңделген дыбыспен қазақ тілінде қалың көрерменге жол тартады.Түпнұсқаны қайта шығарудағы мақсат – кейінгі онжылдықтың ең айтулы фильмі болады деп күтіліп отырған «Аватар: Су жолы» екінші бөлімінің шығуымен орайластырылып отыр. Оның да премьерасы ана тілімізде биыл 16 желтоқсанда болады»,-деп жазды министр.

Қазақстандық шығармашылық дубляж тобы фильм мәтінін қазақ тіліне аудару, оның локализациясы және дыбыстау бойынша сапалы жұмыс атқарды.

Бұдан бөлек, Мәдениет және спорт министрлігі «Интервидео» компаниясымен бірлесіп әлемдік премьерасы алдағы 10 қарашада өтетін MARVEL әлемінің «Қара пантера: мәңгі Ваканда» фильмін де қазақ тіліне дубляждайтынын айта кеткім келеді.

Алдағы уақытта да осы бағыттағы жұмыстарды қарқынды жалғастырып, картиналардың қазақ тіліндегі прокатын көбейте беретін боламыз.

Қысқа да нұсқа. Жазылыңыз telegram - ға

Жаңалықтар

Логотип сайта adebiportal.kz Логотип сайта baigenews.kz Логотип сайта baq.kz Логотип сайта e-history.kz Логотип telegram канала elinfo_kz