Жаңалықтар

Шымкентте бұрынғы аудит мамандарына сот үкімі шықты

Сотталғандар мемелекеттік қызметтегі лауазымды атқару құқығынан өмір бойына айырылған.
Шымкентте бұрынғы аудит мамандарына сот үкімі шықты
Фото: askeri.sud.kz 22.09.2022 19:19 1099

Бұл туралы Антикордың баспасөз қызметі мәлімдеді, деп хабарлайды El.kz.

«21 қыркүйекте Шымкент қаласы әл-Фараби аудандық соты ШҚО бойынша Ішкі мемлекеттік аудит департаментінің басшысы Е.З. Мараимовке, камералдық бақылау бөлімінің басшысы А.М.Ағабекке, Шымкент қаласы бойынша Ішкі мемлекеттік аудит департаменті басшысының орынбасары Е.С.Турсунбековке және «KAZPROFSTROY HOLDING» ЖШС құрылтайшысы К.К.Кожахметовке қатысты үкім шығарды", - делінген хабарламада.

Антикордың мәліметінше, жоғарыда аталған азаматтар «KAZPROFSTROY HOLDING» ЖШС мемлекеттік сатып алу қорытындылары бойынша жеңімпаз ретінде танылуына ықпал жасау үшін пара алу, беру және парақорлыққа делдал болу деректері бойынша айыпталған.

«Сот үкімімен Е.З. Мараимовке қатысты 8 жыл мерзімге, А.Ағабекке қатысты 7 жыл 6 ай мерзімге, К.Кожахметовке қатысты 7 жыл мерзімге бас бостандығынан айыру жазасы тағайындалды. Осы үкіммен парақорлыққа делдал болу фактісі бойынша Е.С. Турсунбековке қатысты 2 жыл мерзімге бас бостандығынан айыру жазасы тағайындалды», - деп жазды ведомство.

Сотталғандар мемелекеттік қызметтегі лауазымды атқару құқығынан өмір бойына айырылған.

Үкім заңды күшіне енген жоқ.

Бөлісу:
Telegram Қысқа да нұсқа. Жазылыңыз telegram - ға