Жаңалықтар

Экология, геология және табиғи ресурстар вице-министрі тағайындалды

Серікәли Мұқатаев 1964 жылы Алматы облысында дүниеге келген
Экология, геология және табиғи ресурстар вице-министрі тағайындалды
Фото: Үкімет 14.09.2022 18:44 1687

Серікәли Мұқатаев ҚР Экология, геология және табиғи ресурстар вице-министрі болып тағайындалды, деп хабарлайды El.kz Үкіметтің баспасөз қызметіне сілтеме жасап.

ҚР Үкіметінің қаулысымен Мұқатаев Серікәли Мұхаметкәрімұлы Қазақстан Республикасының экология, геология және табиғи ресурстар вице-министрі қызметіне тағайындалды. 

Серікәли Мұқатаев 1964 жылы Алматы облысында дүниеге келген.

Жамбыл гидромелиорация құрылыс институтын бітірген.

Еңбек жолын 1990 жылы Сарқан қаласының №55 жылжымалы механикаландырылған колоннаның шебері болып бастады, онда 1997 жылға дейін әртүрлі лауазымдарда жұмыс істеді.

1997-2000 жылдары жеке ұйымда жұмыс істеді.

2000-2003 жылдары – Сарқан аудандық әкімдігінің мәдениет бөлімінің бас маманы.

2003 жылы Сарқан ауданы әкімі аппаратының тұрғын үй-коммуналдық шаруашылығы бөлімінің бас маманы болды.

2005-2010 жылдары – Сарқан ауданы әкімі аппараты құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің бастығы.

2010-2020 жылдары – ҚР АШМ Су ресурстары комитеті Су ресурстарын пайдалануды реттеу және қорғау жөніндегі Балқаш-Алакөл бассейндік инспекциясында басшылық қызметтерді атқарды. 

2020 жылғы наурыз-сәуірде – ҚР ЭГТРМ Су ресурстары комитеті төрағасының орынбасары.

2020 жылғы сәуір-шілде аралығында – ҚР ЭГТРМ Су ресурстары комитеті «Қазсушар» РМК-ның «Д. Қонаев атындағы Үлкен Алматы каналы» филиалы директорының орынбасары.

2020 жылдың шілде айынан бастап қазіргі уақытқа  дейін ҚР ЭГТРМ Су ресурстары комитеті «Қазсушар» РМК-ның «Д. Қонаев атындағы Үлкен Алматы каналы» филиалының директоры болды.

Бөлісу:
Telegram Қысқа да нұсқа. Жазылыңыз telegram - ға