Жаңалықтар

Жаңа қант зауыты бойынша жоба жүзеге асырылады

Қант зауыты жобасын жүзеге асыру жұмыстарымен «Павлодар» әлеуметтік-кәсіпкерлік корпорациясы айналысып жатыр
 Жаңа қант зауыты бойынша жоба жүзеге асырылады
Фото: kartinkin.net 28.06.2022 18:00 2105

Павлодар облысының әкімі Әбілқайыр Сқақов қант зауытын салу жобасы туралы айтып берді, – деп хабарлайды El.kz порталы ҚазАқпаратқа сілтеме жасап.

– Қант зауыты жобасын жүзеге асыру жұмыстарымен «Павлодар» әлеуметтік-кәсіпкерлік корпорациясы айналысып жатыр. Бұл жобаның ерекшелігіне тоқталсақ, зауыт шетелден жеткізілетін шиказатты емес, еліміздегі қант қызылшасын өңдейді. Қазіргі кезде жобалау-сметалық құжатнама аяқталуға жақындап қалды. Жобалаушы тараптың жұмысына наразылық айтылған болатын, яғни 100-ден астам ескерту жасалды. Жоба технологиялық тұрғыдан алып қарағанда өте күрделі екенін түсіну керек, – деді Ә. Сқақов Орталық коммуникациялар қызметінде.

Оның айтуынша, аталған жоба аясында өнімді өңдеу, қант қызылшасын өсіру қамтылмақ. Осы орайда өндірісте тиісті біліктілік деңгейі назарға алынуы керек.

– Жобаны асығыс қабылдай салуға болмайды. Биылдың соңына қарай біз мемлекеттік сараптаманың оң қорытындысын аламыз деп ойлаймын. Содан кейін жоба бағалаудан өткеннен соң, инвесторларды іздестірумен айналысамыз. Бұл ретте тиісті технологиясы мен біліктілігі бар мамандар келуі керек. Атап айтқанда, бұл жоба әлеуметтік жағынан маңызды болып тұр. Сондықтан оны жүзеге асыруға басымдық беріліп отыр, – деді облыс әкімі.

Бөлісу:
Telegram Қысқа да нұсқа. Жазылыңыз telegram - ға