Жаңалықтар

QazaqGeography Қазақстандағы ұлттық парктерді жаңғыртады

QazaqGeography Қазақстандағы ұлттық парктерді жаңғыртады
Фото: Ғазиз Шакиров 17.06.2022 18:40 1449

Бүгінгі таңда QazaqGeography қоғамдық бірлестігі елдегі туризм саласына көбірек көңіл бөлмекші. Бұл мәселені сарапшылар «Ұлттық парктер: экологиялық туризмнің жаңа моделі» туралы дөңгелек үстелде талқылады, - деп хабарлайды El.kz.

Іс-шараға Qazaqstan Live Fest халықаралық туризм спорт және белсенді өмір салты көрмесі аясында «QazaqGeography» республикалық қоғамдық бірлестігі бастамашылық етті. Кездесу барысында шақырылған сарапшылар ұлттық табиғи парктердің инфрақұрылымын дамыту мәселелерін, заманауи туризм жағдайында экологиялық тәрбиенің маңыздылығын талқылады. Ұлттық саябақтардағы демалыс мәдениетін арттырудағы визит-орталықтардың рөлі туралы айтты.

QazaqGeography Қазақстандағы ұлттық парктерді жаңғыртады

QazaqGeography Қазақстандағы ұлттық парктерді жаңғыртады

– Бүгінде біз Консорциум ретінде «Алтын Емел», «Шарын», «Ұлытау» ұлттық парктерінің инфрақұрылымымен жұмыс істейміз. Сондай-ақ жергілікті халыққа бизнес тренингтер өткізіп, олардың әл-ауқатын жақсарту мақсатында түсіндірме жұмыстар жүргізу біздің жобаларымыздың маңызды құрамдас бөліктерінің бірі. Олар үшін саябақтарға жақын орналасқан ауылдардың тұрғындарына өз бизнестерін құруға мүмкіндік беретін оқыту семинарлары мен тренингтер ұйымдастырылды. Мысалы олар қоңақ үйлерді ұйымдастырып, кәдесый өнімдерін өндіруді және сатуды бастайды, - деді «QazaqGeography» РҚБ Басқарма төрағасының орынбасары Артур Абубакиров.

QazaqGeography Қазақстандағы ұлттық парктерді жаңғыртады

Оның айтуынша, QazaqGeography 2021 жылдан бастап «Алтын Емел» және «Шарын» ұлттық парктерінің инфрақұрылымын ұйымдастыру жобасымен айналысады. Қазірдің өзінде жоба аясында сусыз экотуалеттер, ауыз су бұрқақтары, көлеңкелі қалқалар пайда болды. Олар ыстық маусымда туристер үшін нағыз құтқарушыға айналады. «Шарын» ұлттық паркінің кейбір учаскелерінде болашақта бүкіл аумақты қамтитын ұялы байланыс қолжетімді болады.

Сонымен қатар, екі саябақтың аумағында туристерге рельефті оңай басқаруға мүмкіндік беретін ыңғайлы навигация жасалды. Дәл осындай жағдайлар «Алтын Емел» саябағында да жасалады. Жақын арада Шарын мен Алтын Емелде туристердің уақытын тиімді өткізу үшін заманауи визит-орталықтар мен глэмпингтер пайда болады. 2022 жылы қоғамдық бірлестік Қазақстандағы БҰҰ Даму Бағдарламасымен бірлесіп «Ұлытау» жаңа паркін дамыту жобасын іске асыруды бастады. Қазір QazaqGeography қызметкерлері аумақты және оның биоәртүрлілігін зерттеу мақсатында ұлттық парк аумағында ғылыми зерттеулер жүргізіп жатыр.

QazaqGeography Қазақстандағы ұлттық парктерді жаңғыртады

– QazaqGeography-дің басты артықшылығы – ғылымның терең құрамдас бөлігі. Қоғамдық бірлестіктің мамандары қандай да бір жұмысты бастамас бұрын, шатырды немесе ауыз су бұрқағын орнатпас бұрын мұқият зерттеулер жүргізеді. Сарапшылар аумақты мұқият зерттеп, содан кейін ғана өз ұсыныстарын жасайды, - деді Артур Абубакиров.

Сонымен қатар, дөңгелек үстелге қатысушылар саябақтарды дамытумен қатар туризм мәдениеті мен экологиялық тәрбие деңгейін арттыру қажеттігін атап өтті.

– Экологиялық тәрбие жыл сайын ерекше өзектілікке ие. Ұлттық парктердің әл-ауқатын және болашағын, олардың қауіпсіздігін қамтамасыз ете отырып сақтау біздің қолымызда. Бұл жерде мемлекеттік органдар, қоғамдық ұйымдар, табиғи нысандар мамандары, белсенділер және барлық демалушылар одағын таныстыра отырып, бұл жұмыстың бірлесіп жүргізілуі тиіс екенін түсіну маңызды, - деп мәлімдеді ҚР Экология, геология және табиғи ресурстар министрлігінің эко-амбассадоры Мәриям Қасымова.

Сарапшылар туризмді дамыту міндетті түрде инфрақұрылымды қалыптастыруды және туристік ағымды көбейтуді ғана емес, сонымен қатар экологиялық ойлауды тәрбиелеу, туристік мәдениетті арттыру, сондай-ақ жергілікті халықтың туризм, бизнес және қоңақжайлылық мәселелерінде сауаттылығын арттыруды қамтуы керек деген пікірге келді.

 

Бөлісу:
Telegram Қысқа да нұсқа. Жазылыңыз telegram - ға