Жаңалықтар

Нұр-Сұлтандық полицейлер есірткінің ірі партиясын тәркіледі

Жедел-іздестіру іс-шараларын жүргізу кезінде 37 жастағы күдікті ұсталды
Нұр-Сұлтандық полицейлер есірткінің ірі партиясын тәркіледі
Фото: inform.kz 28.06.2022 15:33 1240

Елордалық полиция қызметкерлері «Қарасора» жедел-алдын алу іс-шарасы аясында аса ірі көлемде есірткі жеткізумен және сатумен айналысатын адамдарды ұстау бойынша арнайы операция жүргізді, – деп хабарлайды El.kz порталы Polisia.kz-ке сілтеме жасап.

Есірткі өткізу арнасының жолын кесуге бағытталған жедел-іздестіру іс-шараларын жүргізу кезінде 37 жастағы күдікті ұсталды. Тұрғылықты жері бойынша тінту жүргізу барысында оның гараждағы автокөлігінен салмағы 40 келі «марихуана» есірткі заты бар екі пакет тәркіленді.

Аталған факті бойынша ҚР ҚК 297-бабы 2-бөлігі «Есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу» бойынша сотқа дейінгі тергеу жүргізілуде. Бұл 12 жылға дейінгі мерзімге бас бостандығынан айыруға әкеп соғады.

Полицейлер дәрі-дәрмектің жеткізу арнасын, сондай-ақ есірткінің заңсыз айналымына қатысы бар адамдарды анықтауда. Нұр-Сұлтан қаласы ПД Есірткі қылмысына қарсы іс-қимыл басқармасының бастығы Ерлан Ақбаровтың айтуынша, жыл басынан бері заңсыз айналымнан 170 келіден астам түрлі есірткі заттары тәркіленген.

Бөлісу:
Telegram Қысқа да нұсқа. Жазылыңыз telegram - ға