Мектепте патриотизм туралы жаңа пән енгізіледі

1 қыркүйектен бастап мектептерде «Патриотизм және жаһандық құзыреттер» атты пән енгізіледі. Бұл туралы Ы.Алтынсарин атындағы ұлттық білім академиясының президенті Мәдина Тыныбаева айтты, деп хабарлайды El.kz БҒМ баспасөз қызметіне сілтеме жасап.

«Патриотизм және жаһандық құзыреттер» атты курс 5-11 сынып оқушыларына арналған. Оның мақсаты – баланың талдау қабілеті мен шеберлігін дамыту. Бүгінде жаңа жоба өңірлік әдістемелік орталықтарға танысу мақсатында жіберілді. Сол сияқты жаңа курсқа қатысты түсіндіру жұмыстары жүріп жатыр», деп түсіндірді Мәдина Тыныбаева Білім және ғылым министрлігінде өткен аппарат жиналысында.

Жаңа сабақ 2022-2023 оқу жылында қолданысқа енгізіледі. «Патриотизм және жаһандық құзыреттер» курсы парасаттылық және әдеп, экология мәдениеті, азаматтық және патриотизм, өмір қауіпсіздігі, медиа және қаржылық сауаттылық салаларын қамтиды.

Қысқа да нұсқа. Жазылыңыз telegram - ға