Жаңалықтар

Коронавирус жұқтырғандар көбейсе, маска режиміне қайта ораламыз

Бұл туралы Ералы Тоғжанов мәлімдеді

Фото: vkpress.ru

Фото: vkpress.ru 30.06.2022 12:01 1035

ҚР Премьер-Министрінің орынбасары Ералы Тоғжанов елдегі коронавирус инфекциясы ахуалы туралы баяндады, – деп хабарлайды El.kz порталы ҚазАқпаратқа сілтеме жасап.

– Әзірге ең маңызды мәселе вакциналау болып отыр, айтарлықтай күрделі жағдай жоқ. Дегенмен, науқастар саны көбейсе, маска тағу режиміне қайта оралуымыз мүмкін. Қазір тәулігіне 100 адамға дейін науқастар саны артып келеді, сондықтан мәселе жоқ емес, бар. Карантин талаптарын күшейту мәселесін ведомствоаралық комиссияның отырысында көтереміз. Тек қана маска тағу жөнінде емес, жалпы шаралар туралы, – деп жауап берді Е. Тоғжанов Мәжіліс кулуарында тілшілерге берген жауабында.

Еске сала кетсек, Қазақстанда өткен тәулікте 137 адам коронавирус жұқтырды. Бірнеше күн бойы елімізде короновирус жұқтыру деректері артып келеді. Соңғы күндері бұл көрсеткіш бірден 20 есеге көбейген.

Бөлісу: