Жаңалықтар

ІІМ жүйесінде бюрократияны жою белсенді жүргізіліп жатыр - Үкімет басшысы

Бұл
ІІМ жүйесінде бюрократияны жою белсенді жүргізіліп жатыр - Үкімет басшысы
23.06.2022 13:08 1127

Бұл туралы Премьер-Министрдің баспасөз қызметі хабарлады, деп хабарлайды El.kz

«Құрметті қазақстандықтар, ішкі істер органдарының ардагерлері мен қызметкерлері! Баршаңызды Қазақстан полициясының 30 жылдық мерейтойымен шын жүректен құттықтаймын!  Отандық полицияның қалыптасуы тәуелсіз Қазақстанның даму тарихымен тығыз байланысты. Елімізде соңғы 30 жыл ішінде азаматтардың құқығы мен бостандығын қорғайтын, қоғамдық қауіпсіздік пен тәртіпті қамтамасыз етіп келе жатқан қуатты құрылым қалыптасты», - деді Үкімет басшысы.

Оның айтуынша, Ішкі істер органдары қызметкерлерінің жанкешті және қажырлы еңбегінің арқасында қылмыстық құқық бұзушылықтардың, оның ішінде ауыр қылмыстар жыл сайын азайып келеді.

«Күн сайын ішкі істер органдарының қызметкерлері қиын жағдайға тап болған адамдарға көмек қолын созып, қылмыстарды ашу және қоғамдық тәртіпті сақтау арқылы жоғары моральдық қасиеттер мен нағыз батырлықтың үлгісін көрсетуде. Бүгінде ІІМ жүйесіндегі барлық процестерде бюрократияны жою, цифрландыру және оңтайландыру жұмыстары белсенді жүргізіліп жатыр. Бұл шаралар ашықтықты қамтамасыз етуге, сыбайлас жемқорлықтың жолын кесуге және қылмыстың барлық түрлерінің алдын алу бойынша тиімді шаралар қабылдауға мүмкіндік береді. Бүгінгі мерекеде полиция қызметкерлеріне зор денсаулық, отбасыларына амандық және кәсіби табыс тілеймін! Халқымыздың тыныштығы мен қауіпсіздігін қорғау жолындағы қызметтік міндеттеріңізді абыроймен атқаруға тілектеспін!», - деді Премьер-Министр.


Бөлісу:
Telegram Қысқа да нұсқа. Жазылыңыз telegram - ға