Қандастар Ассамблея

Елордада ХҚҚО қызметкерлері жүргізуші куәлігін сатқан

07.06.2022 232
Фото: elorda.info

Елордада белгілі бір ақыға жүргізуші куәлігін сатып келген Халыққа қызмет көрсету орталығының қызметкерлері күдікке ілінді, деп хабарлайды El.kz Антикордың баспасөз қызметіне сілтеме жасап. 

Нұр-Сұлтан қаласы бойынша Сыбайлас жемқорлыққа қарсы қызмет емтихан тапсырмай жүргізуші куәлігін бергені үшін жүйелі түрде заңсыз сыйақы алу және автокөлікті тіркеу есебіне заңсыз қою фактісі бойынша тергеуді бастады. 

Ведомство мәліметінше, бұл іс бойынша автокөлік иелеріне арналған №2 халыққа қызмет көрсету орталығы қызметкерлері және өзге де тұлғалар күдікке ілінген. Қазіргі уақытта қылмыстық іс аясында бірқатар шұғыл тергеу амалдары жүргізіліп жатыр. ҚР ҚПК 201-бабына сәйкес тергеу мүддесіндегі өзге ақпарат жарияланбайды.

Ұқсас материалдар