Қандастар Ассамблея

Бір айда 85 рет ереже бұзған жүргізуші ұсталды

24.06.2022 75
Оның айыппұл сомасы екі миллион теңгеден асып түскен.

Рудный қаласында бір айда 85 рет жол ережесін бұзған жүргізуші ұсталды, деп хабарлады EL.KZ «Хабар24» арнасына сілтеме жасап.

Оның айыппұл сомасы екі миллион теңгеден асып түскен. Рейд барысында облыс орталығында тағы бір жүргізуші жауапқа тартылды. Қостанай тұрғыны 47 рет ереже бұзыпты. Енді бір миллион теңге көлемінде айыппұл төлеуге тиіс. Ал көліктері  айып тұрағына қойылды. 

Жалпы жыл басынан бері өңірде жауапсыз жүргізушілерге 265 миллион теңгеге 42 мың әкімшілік айыппұл салынған.

– Рудный қаласында ұсталған жүргізушіде жүргізуші куәлігі мүлдем болмаған. Ал Қостанай қаласындағы «Мазда» көлігінің иесінде сақтандыру полисі болмаған. Сондықтан нұсқаулар үйлеріне жеткізілмеген, – деді ПД әкімшілік практика бөлімінің басшысы Серік Әбдіхалықов.

Ұқсас материалдар