Жаңалықтар

Қазақстандықтар жеке куәлікті 5-10 минут ішінде алатын болады

Бұл туралы Бағдат Мусин Facebook парақшасында хабарлады
Қазақстандықтар жеке куәлікті 5-10 минут ішінде алатын болады
Фото: inform.kz 29.06.2022 13:21 1726

Жуырда қазақстандықтар жеке куәлікті 5-10 минуттың ішінде ала алатын болады.Бұл туралы өзінің Facebook парақшасында ҚР Цифрлық даму, инновациялар және аэроғарыш өнеркәсібі министрі Бағдат Мусин жазды, – деп хабарлайды El.kz порталы ҚазАқпаратқа сілтеме жасап.

– Біз Ішкі істер министрлігімен бірге біртіндеп арнайы терминалдарды қолданысқа енгіземіз, сөйтіп құжаттарды миграция мамандарына жүгінбей-ақ, терминал арқылы ресімдеуге болады, – деп жазды министр.

Сонда-ақ ол сөзінде кеше Үкімет отырысында мемлекеттік қызметтерді цифрландыру барысы туралы айтып, сосын Сенат депутаттары алдында жаңа заң жобасы бойынша баяндама жасағанын жазды.

– Заң жобасында инновация, цифровизация және ақпараттық қауіпсіздік саласына өзгерістер мен онлайн-қызметтерді жылдамырақ енгізуді көздейтін іс-шаралар қарастырылған.

Бірінші кезекте, мемлекеттік аппаратты бюрократиядан арылту, яғни адами факторды азайтып, қызмет көрсету уақытын қысқартуға бағытталған. Платформалық модель мен бірыңғай архитектура қалыптастыру арқылы шығыны көп шашыраңқы ақпараттық жүйелерді реттеп, қажетсіз базаларды қысқартуға болады. Нәтижесінде, мемлекеттік қызметтерді көрсету жылдамдығы артып, азаматтарға да, мемлекеттік органдарға да қолайлы және тиімді жағдай жасалады.

– Шалғай ауылдарда тұратын қазақстандықтар үшін «цифрлық нүктелер» ашылады. Бұл мәселені Қазпоштада жұмыс істеп жүргенде көтерген едім. Бәріне белгілі, Қазақстанның түкпір-түкпірінде, тіпті ең шалғай ауылдарында Қазпоштаның ғана бөлімшелері бар, сондықтан осы бөлімшелерде тек пошта қызметтері емес, мемлекеттік қызметтерді де ұсынылатын болады. Әйтпесе тұрғындар қаладағы немесе аудан орталығындағы ХҚКО-ға баруға мәжбүр. Цифрлық құжаттар мәселесіне келсек, заңда цифрлық құжаттар қағаз нұсқамен тең дәрежеде қолданылатыны туралы норма қарастырылған. Сондай-ақ жуырда қазақстандықтар жеке куәлікті 5-10 минуттың ішінде ала алатын болады. Біз ІІМ-мен бірге біртіндеп арнайы терминалдарды қолданысқа енгіземіз. Сөйтіп құжаттарды миграция мамандарына жүгінбей-ақ, терминал арқылы рәсімдеуге болады, – дейді Бағдат Мусин.

Оның сөзінше, алыс елді мекендерді байланыспен қамту мәселесіне келсек, байланыс желісін электр жеткізу желілерінің бағандары арқылы өткізу мүмкіндігін қарастырып жатырмыз. Яғни электр жеткізу желілері бар жерге байланыс та өткізіледі. Ал, мұндай мүмкіндік болмаған жерлерге спутник арқылы жеткізетін боламыз.

Бөлісу:
Telegram Қысқа да нұсқа. Жазылыңыз telegram - ға