Жаңалықтар

2026 жылға дейінгі Инвестициялық саясат тұжырымдамасы дайын

Тұжырымдама мемлекеттік органдармен және ұйымдармен бірлесіп, Дүниежүзілік банктің қатысуымен әзірденді.
2026 жылға дейінгі Инвестициялық саясат тұжырымдамасы дайын
Фото: kazgazeta.kz 23.06.2022 09:21 2326

Ұлттық экономика министрлігі Мемлекет басшысының тапсырмасына сәйкес Қазақстан Республикасының 2026 жылға дейінгі Инвестициялық саясаты тұжырымдамасының жобасын әзірледі. Бұл туралы Үкімет отырысында Ұлттық экономика бірінші вице-министрі Тимур Жақсылықов айтты, деп хабарлайды El.kz

Ұлттық экономика бірінші вице-министрінің айтуынша, тұжырымдама жобасында көзделген негізгі нысаналы индикаторлар – негізгі капиталға инвестициялар деңгейін ЖІӨ-ге 25,1%-ға дейін жеткізу және тікелей шетелдік инвестициялар ағынын 2026 жылдың өзінде $25,5 млрд дейін арттыру. 

«Тұжырымдама жобасы негізгі үш бағыт бойынша құрылымдалған жүйелі сипаттағы 45 нақты іс-шарадан тұратын іс-қимыл жоспарын қамтиды. Бірінші – ашық және болжамды инвестициялық саясатты қалыптастыруға бағытталатын инвестициялық экожүйені одан әрі дамыту. Екінші – жеке сектордың инвестициялық белсенділігінің өсуіне жәрдемдесу. Үшінші – экономиканың инвестициялық әлеуетін ашу», - дейді Тимур Жақсылықов.


Бөлісу:
Telegram Қысқа да нұсқа. Жазылыңыз telegram - ға