Қандастар Ассамблея

Париж төрінде киіз үй тігілді

12.10.2016 2869
Ұлттық бренд

ЮНЕСКО-ның Париждегі штаб-пәтерінде Алматы қаласының мыңжылдығына орай, киіз үй мен алма бағы орнатылды.

Киіз үйдің ішінде Алматы қаласының табиғаты мен заманауи қаламен таныстыратын музыкалық арнайы эффектілермен көркемделген видеоларды көрсететін экран орнатылған. "Бұл идея жайлы біз көктемде ойлап жүргенбіз. Егер де сіз киіз үйдің ортасында болсаңыз, сіз міндетті түрде Қазақстан табиғатының тамашалығын сезіне аласыз. Біз Қазақстанның дамып жатқан мемлекет екенін көрсете отырып, қазіргі Алматының көрінісін жеткізгіміз келеді , яғни елімізге келетін туристердің санын көбейткіміз келеді", - деді киіз үйді қойғандар.

Айта кетейік, видеоға Шарын шатқалы, Көлсай көлі, "Шымбұлақ", Медеу" түсірілген. Сонымен қатар, қалада орналасқан Абай атындағы қазақ мемлекеттік академиялық опера және балет театры, Республика алаңы, Астана алаңы мен қалалық әкімдіктің ғимараты да видеода бар. Сонымен қатар, Тәуелсіздіктің 25 жылдығының нышаны ретінде киіз үйдің ішінде 25 алма бағы отырғызылған. 

Сонымен қатар, 10 қазанда Парижде ашылған көрмеде қазақстандық қолөнершілердің туындылары бар.

Көрме ұйымдастырушылары қазақстандық қолданбалы өнерді, зергерлік өнер мен музыкалық аспаптардың алуан түрін көрсетуге тырысты.


Дереккөз: tengrinews.kz

Ұқсас материалдар