Қандастар Ассамблея

Алмас Кишкенбаевтың өмірлік қағидалары

13.01.2015 7414
Алмас Кишкенбаевтың өмірлік қағидалары

 

Алмас Кишкенбаев 1 маусым 1985 жылы Қызылорда қаласында дүниеге келген. Кішкентай кезінен бастап ән орындауды жақсы көрген. Музыкалық мектеп түлегі. Фортепиано мен домбырада ойнай алады. 1996 жылы халықаралық «Айналайын» фестивалінің қатысушысы болған. Сол жылы Париж қаласында өткен «Жас, дарынды балалар» халықаралық фестиваліне қатысады. Сондай-ақ Қырғызстанда өткізілген «Мейір» фестивалі қатысушысы болады. 2004 жылы Алмас Кишкенбаев «Superstar KZ» жобасын жеңіп алады. Жарыс нәтижесінде «Премьер Рекордс» компаниясымен бір жылдық келісімшартқа отырды. 2008 жылы Алмас Алматы қаласындағы Өнер академиясын бітіреді. Қазіргі уақытта продюсерлікпен айналысады.

 

Өмірдегі өзгерістер адам бойынан жауапкершілік пен мақсаттар нақтылығын талап етеді.

Адам өзі тұлғалық өсімге ұмтылмаса, еш жетістікке жете алмайды. Қорықпай алдыға ұмтылып отыру керек.

Мектепте жүрген кезде жеке концерт беруді армандаушы едім. Соған енді қол жеткіздім.

Ең басты арманым – отбасының амандығы. Сондай-ақ қызыма дұрыс тәрбие беруді тілеймін.

Адам тұлға болуы үшін кез келген істі өзі жүргізе алуы керек.

Ұқсас материалдар