Көкшетау қаласында облыстық ассамблеяның қолдауымен және «Қазақстанның орыс, славян және казак ұйымдарының қауымдастығы» ЗТБ Ақмола филиалының ұйымдастыруымен «Ән – халықтың жаны» ІІІ республикалық фестиваль өтті.
ҚР Парламент Мәжілісі Төрағасының орынбасары, «Қазақстанның орыс, славян және казак ұйымдарының Қауымдастығы» ЗТБ төрағасы В.Божко, Қазақстан халқы Ақмола ассамблеясы төрағасының орынбасары, хатшылық меңгерушісі М.Тохаева құттықтау сөз сөйлеп, қатысушыларға сәттілік тіледі.
Оған Нұр-Сұлтан, Алматы, Қарағанды, Павлодар және Ақмола облыстарынан 20-дан астам шығармашылық ұжым мен қоғамдық бірлестіктердің жеке орындаушыларынан барлығы 200-ден астам адам қатысты. Өнерпаздар орыс, славян және казак әндерін шырқады. Сондай-ақ, қазақтың халық әндерін де нақышына келтіре орындады. Фестиваль барлық қатысушылардың орындауындағы «Атамекен» әнімен аяқталды.
«Мемлекеттік тілде орындау» номинациясы бойынша Көкшетау қаласының «Русская песня» ансамблі үздік ұжым болып танылды, олар бірінші дәрежелі дипломмен және Қазақстан халқы Ақмола ассамблеясының бағалы сыйлығымен марапатталды.
«Хор» және «Вокалды-хореографиялық топ» номинациясы бойынша Нұр-сұлтан қаласынан келген «Раздолье» халықтық ансамблі, «Ансамбль» номинациясы бойынша Павлодар облысынан келген «Иртышские казаки» халықтық казактар ансамблі, «Дуэт» номинациясы бойынша қарағандылық М.Кулишевич пен В.Маловичтің дуэті, «Солист» номинациясы бойынша М. Кулишевич жеңімпаз атанды.
Жүлделі орындарға ие болған барлық өнерпаздар I, II және III дәрежелі дипломдармен, естелік сыйлықтармен марапатталды.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Қазақстан халқы Ассамблеясы порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады.
Қысқа да нұсқа. Жазылыңыз telegram - ға