Жаңалықтар

Назым Қызайбай лицензиялық турнирдің ширек финалына шықты

Фото: Бокс федерациясы

Фото: Бокс федерациясы 01.06.2024 17:15 556

Бокстан Таиланда өтіп жатқан лицензиялық турнирде Назым Қызайбай ширек финалға жолдама алды, деп хабарлайды El.kz ақпарат агенттігі.

Ол 50 келіде сынға түсіп, 1/8 финалда британиялық Васанна Стаблиді 5:0 есебімен ұтты. Үшінші раундта Назым Васаннаны нокдаунға жіберді. Енді Олимпиада лицензиялық иелену үшін отандасымыз тағы бір жекпе-жекте жеңіске жетуі керек.

Бүгін шаршы алаңға шыққан Валентина Хальзова да ширек финалға шыққан болатын. Бангкоктағы лицензиялық турнир Париж Олимпиадасына жолдама беретін соңғы жарыс. Бұл сынға елімізден 6 боксшы аттанған болатын. Алайда олардың үшеуі жолдамадан тыс қалды.

Бөлісу: