Тұрмыстық қатты қалдықтар полигондарының жобасы әзірленіп жатыр

Бұл туралы Премьер-Министр Әлихан Смайылов Үкімет отырысында айтты, деп хабарлайды El.kz

«Осы жылы Индустрия министрлігі тұрғындарының саны он мыңға дейінгі елді-мекендер үшін тұрмыстық қатты қалдықтар полигондарының жобалау-сметалық құжаттамасын әзірлеуді бастады», - деді Үкімет басшысы.

Сондай-ақ Премьер-Министр бірқатар тапсырма берді.

«Бірінші. Экология министрлігі   ірі өнеркәсіптік кәсіпорындарда эмиссиялар мониторингінің автоматты жүйесін енгізуді   ерекше бақылауға алсын. Екінші. Ақтөбе және Батыс Қазақстан облыстарының әкімдіктері Қаржы министрлігімен бірлесіп, биылғы жылы ағаш егудің жоспарланған көлемін қаржыландыру мәселесін пысықтасын. Үшінші. Индустрия,   Қаржы   және Экология министрліктері   ірі елді-мекендерде тұрмыстық қатты қалдықтар полигондарын салу үшін жобалау-сметалық құжаттаманы әзірлеуге қаражат бөлу мәселесін пысықтасын. Осы жұмысты үйлестіру және бақылау Роман Васильевичке жүктеледі», - деді Әлихан Смайылов.

Қысқа да нұсқа. Жазылыңыз telegram - ға