Нұр-Сұлтаннан Уфаға әуе рейсі ашылады
Сондай-ақ Алматы – УФА бағыты бойынша да рейс ашылады![Нұр-Сұлтаннан Уфаға әуе рейсі ашылады Нұр-Сұлтаннан Уфаға әуе рейсі ашылады](/storage/storage/element/2022/07/18/mainphoto/7343/1200xauto_jnAcqx52XXluqo0CDh7EtmSRY1fa8IfLfkmhnmP2.jpg)
Халықаралық қатынастарды одан әрі қалпына келтіру және рейстерді ашу жөніндегі жұмыс шеңберінде ҚР ИИДМ Азаматтық авиация комитеті Ресей Федерациясының авиациялық билік орындарымен бірлесіп, Алматы – УФА жаңа бағытын ашу мәселесін пысықтады, деп хабарлайды El.kz
Осылайша, ресейлік әуекомпания ағымдағы жылдың 4 тамызынан бастап Алматы – УФА бағыты бойынша аптасына 1 рейс жиілігімен бейсенбі күні, сондай-ақ ағымдағы жылдың 4 тамызынан бастап Нұр – Сұлтан-УФА бағыты бойынша аптасына 1 рейс жиілігімен бейсенбі күні тұрақты жолаушылар рейстерін орындауды бастауды жоспарлап отыр. Рейстер SU-95 типті әуе кемелерінде орындалатын болады.
Қазақстан мен Ресей арасында жаңа рейстердің ашылуы екі ел арасындағы сауда-экономикалық, инвестициялық, туристік және мәдени ынтымақтастықты одан әрі дамытуға ықпал ететінін атап өткен жөн. Билеттер әуекомпанияның ресми сайтында қолжетімді.
![Telegram](https://el.kz/static/site/images/tel26.png)