Мұрағатты цифрландыруға бөлінген 100 млн теңге ұрланған
![Мұрағатты цифрландыруға бөлінген 100 млн теңге ұрланған Мұрағатты цифрландыруға бөлінген 100 млн теңге ұрланған](/storage/storage/element/2024/06/03/mainphoto/106417/1200xauto_gLmZZDWg9scZ5WYbv1kyKUR1MAgeK0mu1eIhNKkR.jpg)
Мәдениет және спорт министрлігі мұрағат істері және құжаттама комитеті төрағасының орынбасары, сондай–ақ IT-компанияның директоры «Цифрлық Қазақстан» мемлекеттік бағдарламасын іске асыру шеңберінде ақпараттық жүйені әзірлеуге бөлінген 105 млн теңгеден астам қаражатты жымқырғаны үшін сотталды, деп хабарлайды El.kz ақпарат агенттігі.
Бұл ретте, техникалық ерекшелікті бұрын мердігердің өзі әзірлеп, пайдалануға енгізді және кепілді техникалық сүйемелдеу бойынша міндеттемені қабылдады. Алайда, комитет басшылығы орындалған жұмыстарға бюджет қаражатын бөліп, оны орындалған жұмыстардың жалған актілері бойынша АЖ әзірлеушісіне қайта аударды.
Ұрланған ақша қаражаты қылмыстық шығу тегін жасыру және заңды айналымға енгізу мақсатында сенімді тұлғаларға ресімделген қымбат жылжымалы және жылжымайтын мүлікті сатып алуға бағытталған. Сот үкімімен сотталушылардан келтірілген залал сомасын өндіріп, әрқайсысына 6,5 жылға бас бостандығынан айыру жазасы тағайындалды.
Сонымен қатар, бұрынғы мемлекеттік қызметші мемлекеттік лауазымдарды атқару құқығынан өмір бойына және мемлекеттік наградалардан айырылды, ал мердігер компанияның басшысы 7 жыл мерзімге коммерциялық және коммерциялық емес ұйымдарда басшылық лауазымдарды атқару құқығынан айырылды. Үкім заңды күшіне енген жоқ.
![Telegram](https://el.kz/static/site/images/tel26.png)