El.kz интернет-жобасы Астананың 20 жылдығына орай, «Z қаласы» атты интернет-жобасын көпшілікке ұсынады. Әр бөлімде Астанаға бауыр басып, сіңісіп кеткен қарапайым адамдар, жергілікті тұрғындардың өмірдеректері баяндалады. 
Астана армандар орындалатын, қысылған сәтте жаныңа рух, бойыңа қуат беретін қала. «Z қаласының» келесі кейіпкері 2001 жылы қыздар взводына қабылдану үшін, арман қуып Елордаға аттанады. Қаншама кесе-көлденең кезіккен қиындықтарды артта қалдырған ол үшін алынбайтын қамал жоқ. Астана қаласының әкімшілік полиция инспекторы Әсел Мұханбетова балалық арманы, сүйікті қызметі және тағдырының Елордамен қалай қауыштырғаны туралы айтып береді.