Мүгедектігі бар адамдар үшін қолжетімді нысандар мен қызметтер саны ұлғаяды

ҚР еңбек және халықты әлеуметтік қорғау вице-министрі Асқарбек Ертаевтың айтуынша, мәдениет, спорт және туризм салаларында инфрақұрылымды дамытуға бағытталған бірқатар шаралар іске асырылмақ, деп хабарлайды El.kz ақпарат агенттігі.
Атап айтқанда, мәдени-демалыс ұйымдарында кедергісіз орта құру және т. б.; концерттік ұйымдарды, театрларды, кітапханаларды, мұражай-қорықтарды, цирктерді мүгедектігі бар адамдарға арналған арнайы құрылғылармен қамтамасыз ету; жаңа мәдениет, спорт және туризм объектілерін салу кезінде әмбебап дизайнды пайдалану.
Инклюзивті мәдениетті қолдауға және насихаттауға бағытталған мәдени-ойын-сауық, әлеуметтік маңызы бар іс-шараларды ұйымдастыруға ерекше назар аударылады, - дед спикер ОКҚ алаңында.
Сонымен қатар, мүгедектігі бар адамдардың өмір сүру сапасын жақсарту мониторингін талдау мен бағалау мақсатында мемлекеттік органдардың ақпараттық жүйелерімен кезең-кезеңімен ықпалдаса отырып, бірыңғай автоматтандырылған ақпараттық жүйені құру жөніндегі мәселені пысықтау көзделген.
