ММА-дан әлем чемпионаты: Ақтөбелік полицей финалда техникалық нокаутпен жеңіске жетті
Фото: Polisia.kz
Фото: Polisia.kz
15.12.2024 23:53
118
Индонезия астанасы Джакартада 10-14 желтоқсан аралығында ересектер арасында ММА-дан әлем чемпионаты өтті, деп хабарлайды El.kz ақпарат агенттігі.
Жарысқа 66 елден 920 спортшы қатысты. Тартысты турнирде 79 келі салмақ дәрежесінде Ақтөбе облысы полиция департаментінің жылдам қимылдайтын арнайы жасағының взвод командирі Айдын Төлепбаев бақ сынады.
Тәртіп сақшысы Тонга, Пәкістан және Австралия спортшыларын жеңіп, үздік нәтижеге қол жеткізді. Спорттық сында ол өзінің физикалық дайындығы мен шеберлігін көрсетті.
Финалда қазақстандық спортшы Өзбекстан елінің өкілі Ұлықбек Рахмановпен кездесті. Айдын Төлепбаев қарсыласын қапы қалдырып, техникалық нокаутпен жеңіске жетті.
Бөлісу:
Қысқа да нұсқа. Жазылыңыз telegram - ға
Келесі жаңалық
Алматыда «баррамунди» экзотикалық балық түрі өсіріледі