Туризм және спорт министрлігі Дене шынықтыру және бұқаралық спорт академиясымен бірлесіп «Қазақ күресі» ұлттық күрес түріне зерттеу жүргізді, деп хабарлайды El.kz ақпарат агенттігі.
Зерттеуді Дене шынықтыру және бұқаралық спорт академиясы Қазақстан Республикасы Ғылым және жоғары білім министрлігінің гранттық қаржыландырылатын ғылыми жобасын іске асыру аясында «Қазақ күресінен спортшылардың оқу процесінде дербестендірілген тәсілді қолдана отырып ғылыми-әдістемелік қамтамасыз ету» тақырыбында ұйымдастырды.Қазақ күресіне арналған осындай сипаттағы зерттеулер тұңғыш рет жүргізіліп отыр. Ғылыми ізденістің қорытындысында алынған нәтижелер ерекше болады деп күтілуде.
Қазақстан Республикасы Туризм және спорт министрлігінің қолдауымен Қазақ күресінен ҚР Ұлттық құрама командасы деңгейінде де зерттеулер өткізілген.
Зерттеу жүргізілген топта спорт шеберіне кандидаттардан бастап халықаралық дәрежедегі спорт шеберлеріне дейінгі қазақ күресінің палуандары болды.
Сондай-ақ, қазақ күресі бойынша қазақстандық жаттықтырушыларға «Дене шынықтыру және бұқаралық спорт академиясы» елордалық жаңа ЖОО базасында біліктілікті арттыруға арналған курс пен шеберлік сабақтары ұйымдастырылды.
Қысқа да нұсқа. Жазылыңыз telegram - ға