Мемлекеттік қызметтерді алудың тағы бір мүмкіндігі пайда болды
Бірінші кредиттік бюроның ай сайын 100 мыңнан астам пайдаланушы өздерінің несие тарихын тексеру үшін кіреді.
Қазір қазақстандықтар үшін жылжымайтын мүлікке тіркелген құқықтар (ауыртпалықтар) және жылжымайтын мүліктің болмауы (болуы) туралы мәліметтерді алу бойынша мемлекеттік қызметтер қолжетімді, деп хабарлайды EL.KZ.
Әділет министрлігінің мәліметіне қарағанда, мемлекеттік қызметтер Қазақстан Республикасында мемлекеттік қызметтер көрсетудің барлық ережелері бойынша іске асырылды.
Енді жылжымайтын мүлікке тіркелген құқықтар (ауыртпалықтар) туралы және жылжымайтын мүліктің жоқ (бар) екендігі туралы мәліметтерді алу жөніндегі мемлекеттік қызметтерге Бірінші кредиттік бюроның сайтында да қол жеткізуге болады.
Бірінші кредиттік бюроның ай сайын 100 мыңнан астам пайдаланушы өздерінің несие тарихын тексеру үшін кіреді. Сайт пайдаланушылары жылжымайтын мүлік туралы мәліметтерді электрондық үкімет порталындағыдай тез және тегін ала алады. Мұндай бастамалар egov.kz порталына жүктемені азайтуға көмектеседі деп болжанады және азаматтарға кез-келген ыңғайлы арналарда қызмет алуға мүмкіндік береді. Қызметтерді алу үшін 1cb.kz (Instagram 1cb.kz) сайтта авторлану, қызметті таңдау, жылжымайтын мүлік бойынша детальдарды көрсету және ЭЦҚ сұранысына қол қою арқылы мәліметтерді алу жеткілікті.
Бірінші кредиттік бюросы сайтта екі мемлекеттік қызметтің қол жетімділігін жүзеге асырылды. Жақын арада қолжетімді қызметтер санын қазақстандықтар үшін ең талап етілетін 30-ға дейін жеткізу жоспарланып отыр. Айта кету керек, барлық мемлекеттік қызметтер тегін көрсетіледі және оны азаматтар тек өз атына ала алады.
Қысқа да нұсқа. Жазылыңыз telegram - ға