Мемлекеттік қызмет істері агенттігі Жолдауды талқылады
Агенттік Төрағасы аумақтық департаменттердің алдағы жұмыс жоспарларын, бағыт-бағдарын айшықтап берді.
Мемлекеттік қызмет істері агенттігінде аумақтық департаменттер басшыларының орынбасарлары үшін семинар-кеңес ұйымдастырылды, деп хабарлайды EL.KZ агенттіктің баспасөз қызметіне сілтеме жасап.
Шара аясында Агенттік Төрағасы Дархан Жазықбаев аумақтық департаменттер басшыларының орынбасарларымен кездесті.
Агенттік Төрағасы аумақтық департаменттердің алдағы жұмыс жоспарларын, бағыт-бағдарын айшықтап берді.
Агенттіктің алдында Мемлекет басшысының тапсырмаларын сапалы іске асыру бойынша үлкен міндет тұр. Өздеріңіз білетіндей, «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында мемлекеттік басқару ісін қайта жаңғырту бойынша міндет қойылды. Біз мемлекеттік қызметшілерді іріктеу және жұмыстан босату жүйесін қайта қарау бойынша жұмысты бастадық, бұл мемлекеттік қызметті кәсіби мамандар, оның ішінде жеке сектордағы қызметкерлер үшін барынша ашық етуге мүмкіндік береді, - деді Д.Жазықбаев.
Сондай-ақ МҚІА басшысы өңірлердегі мемлекеттік аппаратты бюрократиядан арылту жұмыстарын жандандыру қажеттігіне ерекше назар аударып, Әдеп жөніндегі кеңес жұмысын жетілдіру, қоғамға ашықтығын қамтамасыз ету туралы нақты тапсырмалар берді.
Бұдан әрі Агенттік Төрағасының орынбасарларымен аумақтық департамент басшыларының орынбасарлары үшін консультативтік-семинар өткізілді.
Қысқа да нұсқа. Жазылыңыз telegram - ға