Мемлекеттік қызметшілерді даярлауға бөлінген гранттар саны анықталды
Мемлекеттік қызметшілерді даярлауға жыл сайын магистратура бағдарламаларына 120 грант, докторантура бағдарламаларына 12 грант бөлінеді. Бұл туралы ҚР Президентінің жанындағы Мемлекеттік басқару академиясының баспасөз қызметіне сілтеме жасай отырып El.kz ақпараттық агенттігі хабарлайды.
Еліміздегі мемлекеттік қызметшілерді даярлау, қайта даярлау және біліктілігін арттыруды жүзеге асыратын ерекше мәртебеге ие жоғары оқу орны – Президент жанындағы Мемлекеттік басқару академиясына оқуға құжат қабылдау кезеңі аяқталды.
2023-2024 жылдарға құжат қабылдау 3 сәуірден бастап 29 маусымға дейін admission.apa.kz ақпараттық жүйесі арқылы жүргізілді. Жүйеге барлығы 1410 адам тіркелді, 890 адам конкурсқа жіберілді, олардың ішінде 855-і мемлекеттік білім беру тапсырысы бойынша оқу үшін конкурсқа түседі.
Мемлекеттік білім беру тапсырысы аясында магистратура бағдармалары бойынша конкурсқа жіберілгендер саны:
«Мемлекеттік саясат» – 295;
«Өңірлік даму» – 221;
«Адами ресурстарды басқару» – 134;
«Экономика» – 104;
«Мемлекеттік басқару» – 63;
«Халықаралық қатынастар» – 11.
Докторантура бағдарламалары бойынша конкурсқа жіберілгендер саны:
«Экономика» – 3;
«Халықаралық қатынастар» – 5;
«Мемлекеттік басқару» – 19 үміткер.
Академияда оқуға құжат тапсырғандардың басым бөлігі – жергілікті мемлекеттік атқарушы органдарда қызмет ететін мемлекеттік қызметшілер.
Жергілікті атқарушы органдар – 452;
Орталық мемлекеттік органдар – 213;
ОМО аумақтық бөлімшелері – 175;
Жергілікті өкілді органдар – 15.
Қабылдау комиссиясының шешімімен гранттар келесідей бөлінді:
магистратура бағдарламалары бойынша:
«Мемлекеттік саясат» – 35;
«Өңірлік даму» – 26;
«Адами ресурстарды басқару» – 16;
«Экономика» – 15;
«Мемлекеттік басқару» – 21;
«Халықаралық қатынастар» – 7.
докторантура бағдарламалары бойынша:
«Экономика» – 1;
«Халықаралық қатынастар» – 2;
«Мемлекеттік басқару» – 9.
Конкурстық іріктеу докторантураға үш кезеңнен, ал магистратураға екі кезеңнен тұрады:
«Зерттеу жұмысы жоспарының жобасы» 5-14 шілде (тек докторантураға құжатты тапсырғандар үшін);
«Аналитикалық эссе» жазу кезеңі 5-14 шілде;
«Сұхбаттасу» 17-31 шілде аралығында жүргізіледі.
Оқуға алдын ала қабылданған үміткерлер тізімі 7 тамызда жарияланады. Үміткер, оқуға жіберген мемлекеттік орган және Академия арасындағы үш жақты келісімшартқа қол қойылғаннан кейін 18 тамызда оқуға қабылданғандардың қорытынды тізімі бұйрықпен бекітіледі.
Қысқа да нұсқа. Жазылыңыз telegram - ға