Маңғыстауда оқушыны таяқпен ұрған жас маман жұмыстан босатылды
Фото: instagram.com/112_aktau
Фото: instagram.com/112_aktau
18.01.2024 10:15
969
Маңғыстауда оқушыны ұрған мұғалім жұмыстан шығарылды, деп хабарлайды El.kz ақпарат агенттігі.
Әлеуметтік желіде тараған видеодан мұғалімнің қолына таяқ ұстап, оқушыларды жазалап жатқанын байқауға болады. Осылайша ол сынып ішін аралап, біртіндеп ұл балалардың алақанынан ұрған. Сондай-ақ тағы бір оқушының бұрышта тұрғанын көруге болады. Облыстық білім басқармасы мұғалімге қатаң сөгіс беріліп, жұмыстан босатылғанын хабарлады.
Оқытушы – төрт ай жұмыс өтілі бар жас маман, бастауыш сынып мұғалімі. Мұғалімге әкімшілік құқық бұзушылық туралы хаттама жасалды, сондай-ақ негізгі бұйрыққа сәйкес «қатаң сөгіс» тәртіптік шарасы тағайындалды. 2024 жылдың 17 қаңтарында жұмыстан босатылды, - делінген Маңғыстау облыстық білім басқармасының хабарламасында.
Посмотреть эту публикацию в Instagram
Бөлісу:
Қысқа да нұсқа. Жазылыңыз telegram - ға