Мүгедек балаларға бөлінген қаржыны жымқырған басшы тергелуде
Ұйым директоры 3 млн теңге ұрлады деген күдікке ілінді
Фото: ашық дереккөз
Фото: ашық дереккөз
30.06.2022 16:07
954
Шымкентте мүгедек балаларға арналған алаңдар құрылысы қаржысын ұрлады деген ұйым директоры тергеліп жатыр, деп хабарлайды El.kz Қаржылық мониторинг агенттігіне сілтеме жасап.
«Агенттіктің Шымкент қаласы бойынша аумақтық департаменті «Қамқор» жедел-алдын алу іс-шаралары нәтижесінде ЖШС директорына қатысты бюджет қаражатын жымқыру фактісі бойынша сотқа дейінгі тергеуді бастады. Ол 2019 жылы мүгедек балаларға арналған алаңдар құрылысының орындалған жұмыстар актілеріне жалған мәліметтер енгізу арқылы 3 млн теңге ұрлады деген күдікке ілінді», - делінген хабарламада.
Қазіргі уақытта іс бойынша сотқа дейінгі тергеу жүргізілуде.
Бөлісу:
Қысқа да нұсқа. Жазылыңыз telegram - ға