Жаңалықтар

Көшпенділер ойындарына ЮНЕСКО қолдау көрсетеді

Фото: ©El.kz/Артем ЧУРСИНОВ

Фото: ©El.kz/Артем ЧУРСИНОВ 24.06.2024 08:35 1010

Астанадағы Дүниежүзілік көшпенділер ойындары ЮНЕСКО-ның қамқорлығымен өтеді, деп хабарлайды El.kz ақпарат агенттігі.

"Ойындар ЮНЕСКО-ның материалдық емес мәдени мұралар тізіміне енген. 8-13 қыркүйек аралығында Қазақстан астанасында ұлттық спорт түрлерінен ең ірі халықаралық спорт жарыстары өтеді. Оған 85 мемлекеттен жобамен 2 мың қатысушы келеді деп күтіліп отыр.

Бағдарламада 30 түрлі спорт жарысы, соның ішінде ат жарысы, бүркітші сайысы, күрес, садақ ату және интеллектуалдық ойындар бар.

Бұған дейін Астанада V Дүниежүзілік көшпенділер ойындарына кері санауды бастауға арналған салтанатты шара өтті. ЭКСПО халықаралық көрме орталығында арнайы табло орнатылды.

Шараға мәжіліс төрағасы Ерлан Қошанов, Дүниежүзілік этноспорт конфедерациясының президенті Біләл Ердоған, туризм және спорт министрі Ермек Маржықбаев, Астана қаласының әкімі Жеңіс Қасымбек, Ұлттық спорт түрлері қауымдастығының президенті Исламбек Салжанов келіп қатысты.

Бөлісу: