Компьютерлік клуб меңгерушісі кассадағы 1,5 млн теңгені жымқырған
Астанада компьютерлік клубтың меңгерушісі 1,5 млн теңгені иемденіп кеткен, деп хабарлайды El.kz ақпарат агенттігі.
Аолицейлер жедел-іздестіру шаралары барысында компьютерлік клубтың кассасынан ақша ұрлады деген күдікпен 20 жастағы жас жігітті анықтады. Полицияға клуб әкімшісі хабарлаған.
Оқи отырыңыз:
- 8 жыл бойы ақша ұрлаған балабақша директоры мен есепшісі сотталды
- Жезқазғанда көліктен ақша ұрлаған 55 жастағы ер адам ұсталды
Тергеу барысында жас жігіттің жарты жылдан астам уақыт бұрын компьютерлік клубтың меңгерушісі болып жұмысқа орналасқаны анықталған. Ол жұмыс істеген уақытында оңтайлы сәтті пайдаланып, кассадағы ақшаны өз иелігіне алып отырған. Сөйтіп 6 ай ішінде 1 миллион 500 мың теңге көлеміндегі ақшаны иемденіп үлгерген.
Аталған факті бойынша Қылмыстық кодекстің 188-бабымен сотқа дейінгі тергеу амалдары жүргізілуде. Күдіктінің елордада жасалған осыған ұқсас басқа да қылмыстарға қатысы бар-жоғы анықталуда деп мәлімдеді Астана қалалық Полиция департаменті.
Қысқа да нұсқа. Жазылыңыз telegram - ға