Көктемгі егіс және егін жинау жұмыстарына 700 млрд теңге бөлінеді – АШМ
2025 жылғы көктемгі егіс және егін жинау жұмыстарын қаржыландыру биылғы қараша айында басталады, деп хабарлайды El.kz ақпарат агенттігі.
Ауыл шаруашылығы вице-министрі Азат Сұлтанов премьер-министрі Олжас Бектеновтің төрағалығымен өткен Үкімет отырысында биылғы желтоқсан айында президенттің 2025 жылғы көктемгі егіс және егін жинау жұмыстарын қаржыландыруды бастау туралы тапсырмасын орындау бойынша жүргізіліп жатқан жұмыстар туралы баяндады.
Ол 2025 жылғы көктемгі егіс және егін жинау жұмыстарын қаржыландыруды 700 млрд теңгеге дейін жеткізу жоспарланып отырғанын атап өтті. Аталған көлемде қаражатты қамтамасыз ету мақсатында қазіргі уақытта 2025 жылға арналған бюджет жобасында 45 млрд теңге көзделген. Биылғы желтоқсан айында қаржыландыруды бастау туралы президенттің тапсырмасын орындау үшін Үкімет қаулысының жобасы әзірленді, ол Үкімет отырысының қарауына шығарылды.
Бұл шешімді күтпестен Аграрлық несие корпорациясы 29 қарашадан бастап 100 млрд теңге көлемінде қаржыландыруды бастайды. Қазірдің өзінде 500-ден аса ауыл шаруашылығы тауарын өндірушіден өтінімдер келіп түсті. Қаражат екінші деңгейдегі банктер, несие серіктестіктері, әлеуметтік-кәсіпкерлік корпорациялар және Аграрлық кредиттік корпорацияның өзі арқылы фермерлерге қолжетімді болады, — деді Азат Сұлтанов.
Қысқа да нұсқа. Жазылыңыз telegram - ға