Көкшетауда жоғалған студент қыз табылды
![Көкшетауда жоғалған студент қыз табылды Көкшетауда жоғалған студент қыз табылды](/storage/storage/element/2024/06/05/mainphoto/106732/1200xauto_ZbG6SWJAoY9S0NXqMSXmBLXjyM36ih20l4TKxhPR.jpg)
Полицейлер мен еріктілер 1 маусымнан бері іздестіріп жатқан көкшетаулық 16 жастағы колледж студенті жатақханаға оралды. Бұл туралы Ақмола облысы полиция департаментінің баспасөз қызметі мәлімдеді, деп хабарлайды El.kz ақпарат агенттігі.
Жоғалған қыз кеше, 4 маусымда кешкі сағат 22:30 шамасында жатақханаға оралған. Қазір полицейлер оқиғаның мән-жайды анықтап жатыр.
Алдын ала болжам бойынша, қыз Астанада болған, - делінген хабарламада.
Полицейлер кәмелетке толмағандардың түнгі уақытта ойын-сауық мекемелерінде немесе заңды өкілдерінің еріп жүруінсіз үйден тыс жерде болғаны үшін әкімшілік жауапкершілік қарастырылғанын еске салды.
Қызға қатысты заңсыз әрекеттер жасалмағаны анықталды, алайда полиция бөлімшесі кәмелетке толмаған баланы күтіп-бағу және тәрбиелеу міндеттерін орындамағаны үшін заңды өкілге қатысты әкімшілік хаттама толтырды, - деп жазылған хабарламада.
![Telegram](https://el.kz/static/site/images/tel26.png)