Көкшетау тұрғынынан заңсыз сақталған қару тәркіленді
Полицейлер Көкшетау тұрғынынан заңсыз сақталған тегіс ұңғылы мылтықтың кесіндісін тәркіледі, деп хабарлайды El.kz ақпараттық агенттігі.
1 ақпан күні Көкшетау қаласында есірткі қылмысына қарсы іс-қимыл бөлімшесінің қызметкерлері жергілікті тұрғынның үйінен 16 калибрлі ИЖ аңшылық мылтықтың және оған 17 патронның кесіндісін тауып, тәркіледі. Жедел қызметкерлердің айтуынша, 55 жастағы ер адам бұрын есірткі қолданған, сонымен қатар полицейлердің көзіне жиі түскен.
«Ақмолалықтың айғақтарына сәйкес, қару алыс туысынан қалған, ал ол оны кіреберістегі қарапайым шкафта қауіпсіздік ережелерін сақтамай сақтаған. Аталған дерекке қатысты полицейлер ҚР ҚК-нің 287-бабы бойынша сотқа дейінгі тергеуді бастады. Ұйымдасқан қылмысқа қарсы күрес басқармасының қызметкерлері Бұланды ауданының Макинск қаласындағы қараусыз қалған үйдің аумағынан тағы бір қару тапты. Екінші қабаттағы құрылысты тексеру кезінде жедел қызметкерлер STOEGER-2000 тегіс ұңғылы, бір ұңғылы, аңшылық мылтықты және 3 патронды тауып алды», делінген Polisia.kz таратқан ақпаратта.
Анықталғандай, тәркіленген қару баллистикалық сараптамаға жіберілген.
Қысқа да нұсқа. Жазылыңыз telegram - ға