Әлеуметтік желілерде «оянған соң бірден кофе ішу кортизолды көтеріп, гормоналды теңгерімсіздікке әкеледі» деген пікір кең тараған. Сондықтан бірінші шыныаяқты ішу үшін кемінде 60-90 минут күту керек деген ой айтылады, деп хабарлайды El.kz интернет порталы.
Аш қарынға кофе ішуге бола ма: жауап сізді таңғалдырады, - деп жазылған Marca басылымындағы мақала тақырыбында.
Кофе туралы аңызға сенуге бола ма?
Бұл ескерту сенімді естілгенімен, доктор Антельм Пуйольдің айтуынша, ғылыми деректер бұл аңызды жоққа шығарады.
Маман Х әлеуметтік желісіндегі жазбасында ғылыми зерттеулерді талдаған. Нәтижесінде таңертең кофені аш қарынға ішудің гормонға ешқандай әсері жоқ екенін анықтаған.
Таңғы кофе мен кортизол
Пуйольдің айтуынша, зерттеулер көрсеткендей, кофені үнемі ішетін адамдар үшін күніне 300 мг-ға дейінгі кофеин кортизол деңгейін көтермейді. Яғни, кофені таңертең бірден ішсеңіз де, күндіз ішсеңіз де айырмашылық жоқ. Гормонға әсер ететіні – уақыт емес, ішілген кофеиннің мөлшері.
Мысалы:
Бір шыны эспрессо шамамен 80 мг кофеин;
Кофені үлкен кесемен ішу — шамамен 120 мг;
Бір банка энергетикалық сусын — шамамен 150 мг.
Демек, адам үш эспрессо, шамамен бір литр сүзілген кофе немесе екі банка энергетикалық сусын ішкенде ғана 300 мг шегіне жақындайды. Сондықтан таңғы кофе гормоналды тепе-теңдікті «бұзады» деген пікір негізсіз.
Сонымен қатар, Пуйольдің айтуынша, таңертең кортизолдың көтерілуі – ұйқыдан кейін табиғи түрде болатын процесс, ол кофеге байланысты емес. Сол себепті, бірінші кофені 90 минутқа кешіктірудің гормонға айтарлықтай ықпалы бар деген пайым ақылға қонбайды.
Таңғы кофе зиян емес
Маманның қорытындысы айқын: кофені ішу үшін 1,5 сағат күту керек деген кеңес – ғылыми негізсіз аңыз. Көпшілік үшін оянғаннан кейін бірден кофе ішу денсаулыққа қауіп төндірмейді әрі гормондық теңгерімсіздікке әкелмейді. Мұндағы басты қағида — қалыпты мөлшерді сақтау: кофеинді шамадан тыс көп ішпеу және жеке ағза ерекшелігіне қарай тұтынуды реттеу.
Қысқа да нұсқа. Жазылыңыз telegram - ға
Оқи отырыңыз 
